fbpx
November 30, 2022

Habitante disgusta cu DOW: Awa sushi di Bubaliplas drentando casnan

Share on Facebook
Share on Whatsapp
0
0
Habitante disgusta cu DOW: Awa sushi di Bubaliplas drentando casnan
Habitante disgusta cu DOW: Awa sushi di Bubaliplas drentando casnan


E situacion na Bubali y San Miguel ta birando serio. Habitantenan ta hopi preocupa y ta teme cu e molester di awa ta birando un menasa pa salud publico. Nan ta teme cu departamentonan di gobierno ta sinta man crusa y ta kere cu e problema ta drecha su so.

Ta un luna caba cu awa sushi di Bubali plas ta crusa caminda y yega na casnan y asina stroba trafico y peaton. Segun habitantenan den e bario, tin yen di sangura y bestianan cu ta forma peliger pa salud.

Segun cu awasero cay, e awa sushi di Bubali plas ta yega mas cerca di e casnan. Bisiñanan ta hopi preocupa. Y nan preocupacion ta mas grandi pasobra nan ta yama pa haci algo pero te ainda nada.

Parce cu nunca antes e situacion asina a yega di pasa den e bario, Ora awa yobe DOW ta habri un sluis pa e awa bay lama pero e biaha aki no. Consecuentemente, en bes cu e awa bay lama, e ta acumula y bay e otro banda. E ta crusa e caminda di Sasakiweg y yega e casnan situa ba otro banda di caminda. Ta urgi e ingenieronan di DOW pa pone atencion na e situacion.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.