fbpx
November 28, 2022

Mester cera y lanta DIP di nobo

Share on Facebook
Share on Whatsapp
0
0
Mester cera y lanta DIP di nobo
Mester cera y lanta DIP di nobo


Den declaracion ofreci diaranson merdia, lider di fraccion MAS, drs. Marisol Lopez-Tromp a duna di conoce su motivacion pa vota contra e mocion cu coalicion a presenta pa cu e deficiencia den operacion di Directie Infrastructuur en Planning (DIP). Fuera cu Minister President den dos ocasion y durante ultimo dos aña no a logra un avance distintivo, e parlamentario di oposicion, como ex titular di Infrastructura ta convenci cu e miho opcion pa e departamento aki ta pa cer’e completamente y lant’e di nobo.

Lopez-Tromp a menciona cu durante e tratamento di presupuesto di Pais Aruba pa 2023 Prome Minister Evelyn Wever-Croes a bisa cu awo si e ta bay kita tur retraso. Sinembargo e no a haci esey prome cu Lopez-Tromp a asumi e puesto, ni tampoco despues. E prome mandatario ta priminti di awo si lo bay elimina tur retraso y cu el a depolitisa e departamento.

Lopez-Tromp: “Mi no tin ningun creencia cu e ta bay drecha. Es mas, mi ta kere cu mester desmantela e departamento.” Esey ta e proposicion cu e lider di fraccion y partido MAS a haci dos aña pasa, esta pa cera, lanta algo nobo y laga e hendenan solicita di nobo pa bay den funcionnan cu ta cuadra y cu ta cumpli cu cierto rekisito. Tambe e ta propone pa laga hende nobo solicita pa asina tin un proceso caminda por controla ken ta esunnan cu mester cumpli cierto funcion y particularmente e maneho di e departamento aki.

Pa un relato mas amplio, lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.