fbpx
December 01, 2022

Gerlien Croes (AVP): Gobierno a busca pa despista kico ta pasando

Share on Facebook
Share on Whatsapp
0
0
Gerlien Croes (AVP): Gobierno a busca pa despista kico ta pasando
Gerlien Croes (AVP): Gobierno a busca pa despista kico ta pasando


Parlamentario di AVP, mr. Gerlien Croes, a biaha pa motibo personal y Minister di Finansa y Cultura, Xiomara Maduro como parlamentario di MEP a reacciona riba esaki, pa motibo cu e no tabata presente durante e tratamento dje Presupuesto 2023. Minister Rocco Tjon tabata presente, pero por a mira cu e tampoco tabata presente y a laga na su luga Minister Endy Croes.

E parlamentario a indica cu esey ta algo cu ta pasa den e tipo di reunionnan, unda cu gobierno ta purba di despista di kico ta pasando den realidad. Segun Croes, el a bisa hopi bes cu na momento e drenta politica, e no ta bay hinca su mes den asunto priva di ningun hende.

E ministernan ta biaha constantemente y sea ta of no avisa Parlamento di Aruba durante dianan largo di trabou. E ta haya cu cada ken ta dicidi e momento ey kico nan ta haci. E parlamentario a bay Colombia y bin bek, unda el a bay un casamento di un amistad di dje di tempo di infancia cu e tin casi diesocho aña sin mira.

Pa loke a pasa e ta kere cu nan opdracht pa busca un potret di su persona. Durante tratamento di presupuesto, un shimis a bira noticia. Esey ta algo di lamenta di mira e nivel dje reunion hiba. Gobierno ta papia di reunion di presupuesto, reunion di ley mas importante dje pais cu nan mes a trece Parlamento di Aruba sin conseho di Raad van Advies. Esey ta algo totalmente no democratico. Den shete dia gobierno a hiba un analisis di un caso cu ta andando den corte, cu ta caso di corupcion.

El a sigui indica cu pa nan, esta gobierno, esey tabata un plataforma uza y kisas a scoge e dianan ey netamente ora tabata trata e caso pa purba gana politicamente. Pero pueblo su cartera, pueblo no ta cay mas p’e tipo di weganan asina aki. Pueblo sa cu e tipo di situacion cu ta bibando den ta uno inaceptabel.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.