fbpx
December 06, 2022

Minister Ursell Arends: Pa Serlimar tin un futuro a aloca fondo p’un structura solido

Share on Facebook
Share on Whatsapp
0
0
Minister Ursell Arends: Pa Serlimar tin un futuro a aloca fondo p’un structura solido
Minister Ursell Arends: Pa Serlimar tin un futuro a aloca fondo p’un structura solido


Diahuebs durante ful un dia Minister Ursell Arends hunto cu su ekipo a topa cu e trahadonan di Serlimar. Na e encuentro aki a duna aclaracion riba e situacion di Serlimar.

Durante e encuentro a duna un splicacion amplio di con Serlimar a yega den e posicion cu e ta awor. Aki diferente trahado a bin compronde cu debi na metemento politico Serlimar tin un debe di alrededor di 20 miyon florin. Esaki ta haci cu e compania a bira practicamente bancarota.

Ademas, a duna mas detaye pa loke ta trata e plan y vision pa futuro di Serlimar. Di principio cu Minister Ursell Arends a asumi su puesto como minister, a cuminsa traha un “blue-print” di con ta bay rescata Serlimar alabes trece un solucion pa e problematica di desperdicio cu e isla completo ta biba cu ne.
Pa logra esaki mester cuminsa na tuma e decisionnan prudente, pero tambe cooperacion y determinacion di banda di gobierno como tambe di banda di e trahadonan.

Lo cuminsa crea un structura solido pa Serlimar pa asina sigura un futuro pa tur su trahadonan y alabes pa Serlimar por bira competitivo riba mercado nacional. Minister Arends a aloca fondo pa yuda cu e proceso aki.

Sigur un encuentro fructifero unda cu e trahadonan a keda contento di por a tende e berdad for di esunnan concerni y no sigui kere den e informacionnan eroneo cu tin ta sali afo via media social. Minister Arends a haci un suplica na tanto gerente como e trahadonan pa yega n’e palabracionnan concreto y p’e comunicacion entre tur parti mehora na beneficio di tur.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.