fbpx
November 28, 2022

Pastoor Marcel Balootje: Ta tempo pa nos dobla rudia y pidi Dios sabiduria

Share on Facebook
Share on Whatsapp
0
0
Pastor Marcel Balootje: Ta tempo pa nos dobla rudia y pidi Dios sabiduria
Pastor Marcel Balootje: Ta tempo pa nos dobla rudia y pidi Dios sabiduria


Si boso keda den Mi palabra, boso ta berdaderamente discipel di Mi, y boso lo conoce e berdad y e berdad lo haci boso liber (Juan 8:31+32).

Pa e Dios di nos Señor Hesus Cristo, e Tata di Gloria, por duna boso un spirito di sabiduria y di revelacion den e conocemento di dj’E (Efesionan 1:17). Nos mester tuma tempo den presencia di Dios, pa asina haya un contesta firme cu ta bon pa un y tur.

Haci mi conoce Bo camindanan, O Señor, siña mi Bo berea, guia mi den bo berdad, y siña mi,pasobra ta Abo ta e Dios di mi salbacion, riba bo mi ta spera henter dia (salmo 25:4+5).

Dios ta bisa den e buki di Santiago 1;5-8 ta para skirbi: Ma si cualkier di boso tin mester di sabiduria lag’e pidi Dios.

Kende ta duna na tur hende generosamente y sin reproche, esaki lo wordo duna na dje.

Ma lag’e pidi den fe sin ningun duda, pasobra esun cu ta duda ta manera ola di lama cu ta wordo lastra y tira door di biento.

Pasobra no laga e hende ey spera cu e lo ricibi algo di Señor.

Siendo un persona di curason dobel, inconstante den tur su caminda nan.

Tur sopi pura ta sali salo, pasobra tur cos tin su prijs, y hende a bira floho pa acerca e trono di Dios, of nan ta papia di Dios pero nan ta incredulo, of nan ta bofonado of cherchado, of nan trabao y puesto ta asina halto cu den tur cos nan kier laga Dios afo.

Den Filipensenan 4:6 Señor ta bisa cu laga tur nos peticionnan ta conoci dilanti di Dios, esey ta nifica cu nos mester comunica cu Dios pa nos tin pas y exito.

Tin hopi pais rond mundo caminda tin e mandatarionan cu ta consulta bruho, y nos tur ta mira locual ta pasando den e paisnan, cual ta hopi dolor y tristesa.

Dios ta buscando e mandatarionan cu un curason dirigi na Dios, pero si e curason di e mandatario ta leu for di Dios, kico nos por spera? Pa medio di esaki nos por compronde e direccion den cual mundo ta bayendo.

Ta mescos cu den un cas di famia, un mama ta haci oracion, pero e tata- y yiunan ta bati caya tur dia, lubidando riba tur responsabilidad y hasta tribi di bay trabao burachi. Ta pidi e esposa- y mamanan haci oracion pa nan. E cosnan ey no ta funciona, pasobra bo no por haci bofon di Dios.

Ta tempo pa bira original y busca Dios y no sigui sconde tras di capa di otro hende, e yiunan no por haci malo y sconde tras di mama of tata (1 Samuel 2:22-25).

Laga nos siña for di e hoben Jabes (1 Cronicanan 4:9+10) kende a reconoce su situacion y e mes a bay dilanti di Dios Todopoderoso cu su oracion, autentico, original, den tur humildad, reconociendo Dios como soberano y Dios a concede su peticion. Jabes ta un ehempel pa tur hoben.

Ora nos pidi Dios sabiduria ta nifica cu nos ta humilde, nos ta reconoce cu nos mester di Dios y cu nos tin fe cu Dios por yuda nos. Ora Dios mira esey E ta bendiciona nos.

Manera tempo ta birando, manera maldad ta aumenta, nos ta roga tur hende pa nos bay bek na nos rudia. Pidi sabiduria di Dios pa dirigi nos hogar, nos famia y specialmente nos pais.

Pasobra di berdad nos ta den tempo nan trabahoso (2 Timoteo 3 :1-5).

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.