fbpx
December 03, 2022

WEB a dedica sala na ex-sindicalista Coby Geerman

Share on Facebook
Share on Whatsapp
0
0
WEB a dedica sala na ex-sindicalista Coby Geerman
WEB a dedica sala na ex-sindicalista Coby Geerman


E oficina di Departamento di ‘Nieuwe Aansluitingen’ di WEB Aruba N.V. awor ta ubica den salanan nombra pa dos ex-empleado, esta Coby Geerman y Esteban Briezen q.e.p.d. Recientemente a haci e apertura oficial di ‘Sala Jacobo (Coby) Geerman’ y ‘Sala Esteban (Ban Ban) Briezen’ den presencia di Coby mes y yiu muhe di defunto Briezen, esta Anira Briezen.

E salanan tabata antes un espacio pa warda piesa. Debi na falta di espacio, principalmente den futuro ora introduci SMART water meter, a dicidi di renoba e edificio y converti e den oficina.

E apertura oficial tawata un encuentro ameno den presencia di coleganan di sector di Distribucion di Awa/Customer Service y coleganan di otro departamento cu a hunga un rol den ehecucion di e renobacion.

E coleganan a dedica algun palabra di elogio na nos dos ex-empleado. Tanto Coby Geerman y Anira Briezen tambe a hiba palabra y a transporta tur presente bek den tempo y a gradici pa e gesto.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.