fbpx
December 08, 2022

Minister Tjon ta bek na Aruba y a organisa marcha pa mucha

Share on Facebook
Share on Whatsapp
0
0
Minister Tjon ta bek na Aruba y a organisa marcha pa mucha
Minister Tjon ta bek na Aruba y a organisa marcha pa mucha


Riba tur 20 di november, mundo henter ta ta celebra Dia Internacional di Derecho di Mucha. E fecha aki tambe ta dia cu a aproba e Tratado di Derecho di Mucha na aña 1989. E tratado aki ta stipula e cantidad di derecho cu e mucha tin, por mira riba aspecto di salud, enseñansa, recreacion, bida familiar y proteccion.

Locual ta mas importante aun ta e derecho pa scucha e mucha su opinion. Por corda ainda cu aña 2001 ora Aruba a firma e tratado aki. E compromiso ta pa proteha di un forma mas completo posibel e desaroyo di e mucha den su personalidad, talento, capacidad emocional, mental y fisico.

Un dia prome, pues riba 19 di november, Ministerio di Husticia y Asuntonan social a organisa un marcha for di Plaza Nicky Habibe te cu Plaza Padu. Aki ta caminda cu diferente scol a participa y cada un cu un borchi señalando e derechonan di mucha. E marcha a bay compaña cu un drumband di Grupo Scout Casibari Jan Lobrecht kende tambe a percura pa lantament’i bandera. Minister Rocco Tjon durante su discurso riba Plaza Padu a enfoca riba e derechonan di mucha y cu hasta durante su bishita na Nacionnan Uni, a enfoca riba nan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.