fbpx
November 30, 2022

AZV ta aclaria: No ta cubri tratamento medico den exterior ora bay riba bo mes

Share on Facebook
Share on Whatsapp
0
0
AZV ta aclaria: No ta cubri tratamento medico den exterior ora bay riba bo mes
AZV ta aclaria: No ta cubri tratamento medico den exterior ora bay riba bo mes


Despues di algun siman cu Organo Ehecutivo “Algemene Ziektekosten Verzekering” (AZV) ta observa un cantidad di reaccion di diferente persona riba medionan social tocante cuido medico den exterior, AZV ta haya necesario pa splica e proceso di cuido medico den exterior via AZV cu e meta pa cada asegurado compronde e proceso.

Conforme di e Ley di AZV, e asegurado tin derecho riba cuido medico na Aruba. Esaki ta nifica cu expertonan medico ta esunnan encarga cu e tarea pa consulta y evalua cada caso. Por ehempel, si un asegurado sinti malo e ta acudi na su dokter di cas. A base di evaluacion y indicacion medico, e dokter di cas ta referi pa un specialista.

Den caso cu pa motibo cu no tin, por ehempel e ekipo disponibel, e infrastructua y of e conocemento y cu a haci tur loke tabata posibel na Aruba, e ora e specialista di por haci peticion na AZV pa manda e asegurado pa ricibi cuido medico den exterior.

Comision CGZ

AZV ta traha cu un comision independiente di experto medico, Commissie Grensoverschrijdende Zorg (CGZ) pa evalua peticion y pa conseha AZV. Den gran mayoria di caso, AZV ta tuma e conseho over. For di e evaluacion por sali lo siguiente;

A) Asegurado ta haya un rechaso.

B) Asegurado ta wordo pidi pa un di dos opinion (y of mas tests y of otro trayectoria) na Aruba mes.

C) Asegurado ta haya un aprobacion.

Den caso A, esta di un rechaso, e asegurado por entrega un bezwaar. Esaki lo wordo atendi conforme LAR, Landsverordening Administratieve Rechtsspraak. Den caso di B, e asegurado ta haya informacion y splicacion di e motibo pa cual ta scoge pa esaki. Despues di cana e trayecto aki, por sali afo cu e asegurado por wordo yuda na Aruba mes of cu ainda AZV mester aproba pa e asegurado bay den exterior.

Den e ultimo caso, esta C, unda tin aprobacion, AZV lo organisa e biahe pa e bay un hospital den exterior.

Recapitulacion

Recapitulando, e base legal pa cobertura di gasto den exterior ora un asegurado dicidi di bay den exterior riba su mes pa cuido medico, lamentablemente no ta existi ainda. Ora un asegurado scoge pa biaha riba su mes pa exterior, tur gasto ta pa su propio cuenta. Gastonan medico por core hopi halto lihe y esaki ta motibo pa cual AZV semper a bin ta alerta tocante e topico aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.