fbpx
December 04, 2022

EcoTech a ricibi trucknan nobo “Zero Emission”

Share on Facebook
Share on Whatsapp
0
0
EcoTech a ricibi trucknan nobo “Zero Emission”
EcoTech a ricibi trucknan nobo “Zero Emission”


Ecotech Aruba N.V. a ricibi tres truck di recoge sushi completamente nobo. E trucknan aki ta Zero Emission, cu ta nifica cu nan ta bon pa nos medio ambiente. E tres trucknan ta di marca Mack Rear Load 2022 modelo Terrapro TE64R cu 32 yarda cubico y MC Neilus body cu USA emission (US’17), motor MP-7 (11.L), e trucknan aki ta haci uzo di diesel U.L.S.D. y DEF Fluid. 

E modelo aki, cu ta inclui e “USA emission” ta nobo den e flota di EcoTech y ta p’esey nan mecanico- y chauffeurnan a ricibi varios dia di training intensivo. A manda busca un “Mack Master Technician”, cu tabata encarga pa e capacitacion, pa sigura cu tur chauffeur ta bon capacita y ta na altura di tur standard. Tur a completa e capacitacion, awo e ekipo di Ecotech y e ekipo di ATCO Garage por realisa e maximo eficacia di operacion pa cumpli cu nan mision diario. 

Emission control system ta existi pa reduci e impacto negativo, tanto riba salud di e ser humano, como tambe pa medio ambiente. Pa cumpli cu e standardnan di emission, Mack a instala un diesel particulate filter(DPF) den e exhaust downstream di e turbocharger turbine. 

E dos obhetivonan principal di filter di e particulanan diesel (DPF) ta pa gara e particulanan (PM) y converti e ‘hydrocarbons’ no mecanico *NMHC) den vapor di awa H2O). 

Idea principal ta pa eventualmente cambia e flota completo cu e motor- y emisionnan aki. Di e forma aki Ecotech Aruba N.V. lo contribui na un miho medio ambiente y lo bira mas sostenibel. Tira un bista riba caya pa e trucknan maneha pa Rodnet, Joslin y Jaider!

EcoTech Aruba ta existi desde aña 1985 caba y como tal ta un pionero den e industria aki. Na aña 2009 a crea Ecotech Freezone, cu un planta di separacion profesional y unico den Caribe. Desde cinco aña caba nan ta encarga pa procesa un gran parti di desperdicio na Aruba, tanto esunnan comercial como esunnan residencial. EcoTech ta ofrece servicio di recogemento di sushi, tanto di clientenan residencial, comercial, medico, maritimo y industrial. Nan ta ofrece tur cliente toternan moderno, waste bins, buckets mas grandi y hasta oil totes, cu nan ta transporta uzando nan trucknan di marca Mack. Mas ainda, Ecotech ta ofrece servicio septico, vacuum services, azeta di cushina y coleccion di azeta di motor, banda di coleccion di sushi di construccion y demolicion y hopi mas. E compania ta certifica pa ISO 9001, ISO 14001 y OHSAS 18001.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.