fbpx
December 03, 2022

Otro siman ta desmantel’e: WEB ta construi tanki awa nobo na Alto Vista

Share on Facebook
Share on Whatsapp
0
0
Otro siman ta desmantel’e: WEB ta construi tanki awa nobo na Alto Vista
Otro siman ta desmantel’e: WEB ta construi tanki awa nobo na Alto Vista


Dialuna dia 28 di november proximo lo inicia desmantelacion di e tanki di awa na Alto Vista. Esaki ta forma parti di e plan pa WEB Aruba construi un tanki nobo cu un capacidad mas grandi y traha di material mas sostenibel. Reemplaso di e tanki di awa ta necesario pa por sigui suministra awa di bebe di calidad den area di Noord, awor y den futuro. E trabou di desmantelacion ta tuma luga durante e periodo di 28 di november pa di dos mita di januari 2023.

E trabou di desmantelacion lo tuma lugar 6 dia pa siman entre 7:00 AM y 6:00 PM. Durante e periodo di desmantelacion lo por nota trafico di ekipo pisa den e area. Tambe ta existi e posibilidad di disturbio di zonido. Di antemano WEB ta pidi disculpa y ta spera di por conta cu comprension di habitantenan.

En caso di pregunta of cu ta nota algo straño den e area, por tuma contacto cu e call center di WEB na telefon 280-4600, of por manda un WhatsApp pa WEB Aruba Chat na 525-4600.

E proyecto di Tanki Alto Vista ta forma parti di e proyecto ‘Upgrade Aruba Water Distribution Network’; un proyecto grandi cu ta encera renobacion di tankinan, pomp y tuberia rond nos isla, pero tambe den planta di WEB.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.