fbpx
January 28, 2023

Departamentonan hudicial di Aruba a reuni riba reapertura di frontera cu Venezuela

Share on Facebook
Share on Whatsapp
0
0
Departamentonan hudicial di Aruba a reuni riba reapertura di frontera cu Venezuela
Departamentonan hudicial di Aruba a reuni riba reapertura di frontera cu Venezuela
Posted on 01/13/2023 10:02 am AST | Updated on 01/13/2023 10:02 am AST

ORANJESTAD – Departamentonan hudicial di Aruba a reuni riba reapertura di frontera cu Venezuela. Durante e reunion aki, a toca diferente topiconan, entre nan,e reapertura di nos frontera cu Venezuela, y a toca tambe varios proyectonan cu ta andando pa eleva e siguridad na nos frontera.

Den cuadro di e reapertura di frontera cu Venezuela, a bisa cu pa fin di luna lo bay tin e prome reunion tecnico caminda e puntonan ta bay wordo discuti, si eventualmente tuma e decision pa habri e frontera bek cu Venezuela. Manera ta conoci, e punto di salida di Gobierno di Aruba pa cu e tematica aki ta cu esaki lo mester sosode gradualmente na un manera hopi responsabel. Cada departamento a duna un update pa loke ta e puntonan cu nan mester tin delinea prome cu nan yega na habri e frontera. 

Segun minister responsabel pa husticia, Rocco Tjon, e reunion tawata uno sumamente informativo, caminda a toca tambe e diferente proyectonan cu ta bay wordo ehecuta e aña aki den cuadro di e landspakket. Tin cu menciona cu actualmente tin miyones di florin disponibel pa por percura pa e procesonan wordo restructura, y material wordo cumpra pa tur e personal cu ta traha den e diferente departamentonan aki. Tambe, tin espacio pa inverti den proyectonan infrastructural. Banda di esaki, a palabra cu lo sigui reuni un bes pa luna na Bureau Rampenbestrijding Aruba (BRA) pa di e forma aki por monitorea e avancenan mas di serca pa cu e proyectonan aki. Varios proyecto a wordo aproba caba pa loke ta programanan tecnologico, asina por cu danki na esaki e servicio pa cu clientenan di Inmigracion Aruba ta bay ta mucho mas miho. Na mes momento, lo bay por monitorea e problematica di “overstayers” na un forma mucho mas eficiente y eficaz. 

Por ultimo, e mandatario a expresa cu e ta satisfecho cu e noticia cu Kustwacht ta bay sigui expande nan ekipo y yama bon bini na mas personal. Esaki lo percura pa e  controlnan maritimo por ta mucho mas eficiente y eficaz, cual ta sumamente importante, mirando e ultimo desaroyonan caminda mas y mas lanchanan ta wordo intercepta.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.