fbpx
January 28, 2023

Maduro: Dept di finanzas y CAD ta haya ayudo pa implementa su partidi landspakket

Share on Facebook
Share on Whatsapp
0
0
Maduro: Dept di finanzas y CAD ta haya ayudo pa implementa su partidi landspakket
Maduro: Dept di finanzas y CAD ta haya ayudo pa implementa su partidi landspakket
Maduro: Dept di finanzas y CAD ta haya ayudo pa implementa su partidi landspakket
Posted on 01/16/2023 10:29 am AST | Updated on 01/16/2023 10:29 am AST

ORANJESTAD – Dept di finanzas y CAD lo haya ayudo pa implementa su parti di landspakket. Asina minster di finanza Xiomara Maduro a bisa e siman aki. E la splica cu den aña 2022 a tuma luga un investigacion den cuadro di e Landspakket tema A pa mehoracion di e columna financiero di Pais Aruba. Basa riba e resultado di e investigacion a traha un Cuadro di Accion (‘roadmap’) cu puntonan di mehoracion na Departamento di Finansa y Centrale Accountantsdienst cu lo mester resulta den un ‘goedkeurende verklaring’ den aña 2026 pa e Cuenta Anual di Pais Aruba.

Den cuadro di implentacion di e puntonan di accion den e ‘roadmap,’ e mandatario a habri aña ta reuni cu e directornan di Departamento di Finansa y Centrale Acountantsdienst pa asina por haya un bista di locual ta necesario pa por cumpli cu e ‘roadmap.’ Pa Aruba por conta cu un Cuenta Anual controlabel na aña 2026, e dos departamentonan gubernamental aki lo mester wordo miho ekipa pa asina e trabounan necesario por tuma luga pa por cera e ciclo presupuestario di nos Pais cu un Cuenta Anual controla y aproba pa Parlamento di Aruba. E mandatario a wordo informa cu cada departamento lo mester busca algun personal nobo den aña 2023 y 2024 pa fortifica e departamentonan aki y agilisa e proceso pa por produci e informacion financiero cu ta necesario pa compila y controla e cuentanan anual di Pais Aruba. Pa e motibo aki Minister Maduro ta informa cu pronto lo bay habri solicitud pa asina por fortifica ambos departamento cu personal financiero cualifica.

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.