fbpx
January 28, 2023

Alvin Molina (MEP): Ta urgi su propio gobierno pa atende cu e situacion di Big Mama mas pronto posibel

Share on Facebook
Share on Whatsapp
0
0
Alvin Molina (MEP): Ta urgi su propio gobierno pa atende cu e situacion di Big Mama mas pronto posibel
Alvin Molina (MEP): Ta urgi su propio gobierno pa atende cu e situacion di Big Mama mas pronto posibel


E no tabata un caminda facil. Ainda por corda con papa Gi Raven a cuminsa 25 aña pasa cu un par di “beach chairs” pa huur cu turista, ta locual cu parlamentario Alvin Molina a duna di conoce.

Esaki tin di haber cu locual ta tumando luga cu dicho establecimento y intencion di DIP di cera esaki. Awe Big Mama Grill ta un restaurant renombra, unda cu nos bishitantenan di rond mundo por gosa di diferente plato completo, refresca e garganta na bar y huur “beach chairs y cabanas”; asina Loutiza Raven, yiu di Gilbert Raven a cuminsa splica mi. 

Loke ta bunita di e testimonio aki ta pa mira con un yiu di tera, por a cuminsa un negoshi na un manera humilde door di traha duro y cu hopi esfuerso, por a logra un proyecto grandi y renombra na un di nos beachnan di mas famoso. Website manera Tripadvisor ta pone

Big Mama Grill den e top 5 di e restaurantnan pariba di brug. Espacio pa mehoracion tin semper, esey ta conta tambe pa e servicio duna door e negoshi di famia aki. Pa algun aña Big Mama a introduci un prijs special pa localnan, pa asina nan tambe por saboria e platonan na Baby Beach.

Durante fin di siman mi a bishita Big Mama Grill pa pone mi mes na altura di e ultimo sucedido, ta locual Alvin Molina a indica. Algun dia pasa Big Mama’s Grill a ricibi bishita di un representante di DIP, cu ta controlando si e permisonan di e restaurant ta na ordo. 

Raven a expresa cu e ta compronde cu DIP tin e trabou pa controla, pero di otro banda nan ta wardando DIP pa añas caba pa por renoba e permisonan di e restaurant cu tin mester pa sigui draai e negoshi, pero lamentablemente sin por haya contesta di DIP.

Mi ta urgi e mandatarionan concerni pa hunto cu nan departamentonan, inventarisa ki formalidad falta pa regla y na ki manera nan por sanea. E meta mester ta pa sondea na ki manera e compania Arubiano aki cu a cumpli 25 aña di existencia, por continua brindando e servicio na tanto local como nos bishitantenan, y asina nos por sigui gosa optimalmente di nos bunita Baby Beach.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.