fbpx
January 28, 2023

Miguel Mansur (Accion21): Sin COHO no ta bay tin flexibilidad laboral

Share on Facebook
Share on Whatsapp
0
0
Miguel Mansur (Accion21): Sin COHO no ta bay tin flexibilidad laboral
Miguel Mansur (Accion21): Sin COHO no ta bay tin flexibilidad laboral


Accion21 ta kere cu Hendrik Tevreden (MEP) ta mal informa riba e parti di COHO. E Rijkswet ta firma dia 13 di november 2020 p’e prome minister, kende ta lider di partido MEP. A haci esey a base di iniciativa conhunto di Gobierno di Aruba y Gobierno di Reino.

Miguel Mansur, parlamentario (Accion21), a indica cu su fraccion a sostene e rijkswet y nan ta sostene COHO. E ta un garantia cu e reformanan cu Aruba su economia mester di forma di urgencia lo sosode. Awo cu e ta bay den un acuerdo mutuo, por lubida cu e flexibilidad laboral ta bini. Aña pasa mester a sosode un estudio riba e florin Rubiano, probablemente esey no lo pasa. Mas importante reduccion structural den gasto di gobierno no ta bay bini.

El a indica cu e votadonan di Accion21 no a scog’e p’e pronk den parlamento, pero tuma stand van zaken di e pais. Debe di Aruba ta na 5.8 biyon sin conta e 1.7 di PPP. Segun e rapport di SKOA, 68% di mucha ta biba maltrato. E cuido cronico, 50% di e ancianonan of adulto mayor ta desaroya demencia. El a sigui splica cu cuido cronico mester di 550 camber, pero tin 200. Tin cos positivo ta pasando, pero Accion21 ta eynan pa atende cu e cosnan cu no ta bay bon.

Sin COHO no lo bay tin e respaldo ni capacidad pa hacie, pasobra ningun gobierno, sigur e dos partido bieunan, ta bay inverti tempo y capital politico den bringa cu sindicato por ehempel pa bin cu flexibilidad laboral. Segun Mansur, su preocupacion ta cu LNT ta e ultimo ley controversial cu parlamento a pasa.

Lesa mas den TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.