fbpx
January 28, 2023

Reina di Tumba Hubenil di Aruba: invitado di honor na Festival di Tumba Hubenil Corsou 2023

Share on Facebook
Share on Whatsapp
0
0
Reina di Tumba Hubenil di Aruba: invitado di honor na Festival di Tumba Hubenil Corsou 2023
Reina di Tumba Hubenil di Aruba: invitado di honor na Festival di Tumba Hubenil Corsou 2023


Aruba su Reina di Tumba Hubenil 2020 den persona di Jorienne Angela, den fin di siman tras di lomba tabata na nos isla ruman Corsou, pa asina por duna su presentacion den e Festival di Tumba Hubenil di Corsou 2023, den e Curaçao Festival Center.

Pa Jorienne, esaki tabata un experiencia unico y p’e tabata un honor di por a representa Aruba den e festival di Tumba Hubenil Corsou 2023.  El a conta cu e trato cu nan a ricibi na Corsou, for di ora cu nan a yega e isla te ora cu nan a regresa tabata sublime, el a sintie como un artista grandi. Asina bon e trato tabata ta.  El a gusta e nivel di tumba hubenil di Corsou.

El a conta cu na Corsou, door cu ta un solo categoria, e muchanan cu ta participa ta duna tur loke nan tin aden, pa asina duna un presentacion espectacular y esey ta bira e ganado. Su presentacion na Corsou tabata uno hopi special, ya cu compara cu Aruba, tur cos ta cana na ora, hopi lihe. Un festival sigur di un nivel hopi halto. Pa Jorienne, e festival di tumberito (tumba hubenil) di Aruba tambe lo mester yega e nivel di esun di Corsou.

Tambe Jorienne a conta cu e aceptacion di su tumba na Corsou tabata espectacular, unda cu e por a sinti e aceptacion di e publico pa cu su tumba. E no tin palabra pa describi loke el a sinti e momento ey.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.