fbpx
January 28, 2023

Turista no kier mira Big Mama Grill dal porta cera

Share on Facebook
Share on Whatsapp
0
0
Turista no kier mira Big Mama Grill dal porta cera
Turista no kier mira Big Mama Grill dal porta cera


Den fin di siman trahado di DIP a presenta na Big Mama Grill pa stroba operacion di e establecimento. Big Mama tin mas di binti aña situa na Baby Beach, pero tur cos tin di haber cu e establecimento no tin permiso. E turistanan cu ta yega Baby Beach ta disfruta di e ambiente local.

Esaki a di dos biaha cu turista Lissa ta bin Aruba y e gusta Baby Beach. El a indica cu su ruman tin binti aña sin bin Aruba y nunca a yega na Baby Beach. Esey a pone cu nan a bay disfruta un rato na Baby Beach, Mirando cu su ruman no sa landa. Big Mama Grill ta eynan y e turistanan por haci uzo dje facilidad di e establecimento.

Lissa a indica cu e personanan di Big Mama Grill ta hopi amabel. E trato cu nan a ricibi ta uno bon. E ta spera di por regresa otro aña cu su yiunan y nan parehanan.

Turista Paul Anthony ta bin Aruba desde 1985 y ta gusta Big Mama Grill. E ta corda cu Big Mama a cuminsa den un trailer chikito y awendia e ta grandi. No mester cambia esey, el a expresa. Tambe el a indica cu no mester laga hotel cambie, pasobra nan ta bin aki y cambia cos. E ta haya cu no por haci esey y cu e luga ta di Big Mama.

Anthony ta haya cu e cuminda ta asombroso, e servicio ta asombroso. Segun Anthony, e no lo yega Baby Beach si Big Mama Grill no tabata eynan. Anthony a indica cu Big Mama mester keda eynan, pasobra si e establecimento no ta eynan e no lo bay Baby Beach.

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.