fbpx
January 28, 2023

Jaxx Fowler a yega Aruba cu varios premio fo’i Las Vegas

Share on Facebook
Share on Whatsapp
0
0
Jaxx Fowler a yega Aruba cu varios premio fo’i Las Vegas
Jaxx Fowler a yega Aruba cu varios premio fo’i Las Vegas


E hobencito Jaxx Fowler di 4 aña di edad a haci un tremendo papel tremendo den e Silver Dollar Nationals na Las Vegas, Nevada.

E tabatin un fin di siman sublime den Silver Dollar Nationals na Las Vegas unda cu pa prome biaha Jaxx ta core na Merca.

Jaxx a sali prome luga den strider, di 2 luga diabierna den su categoria 5 and under novice y diadomingo tambe a sali prome luga den su categoria. Jaxx ta forma parti di e ekipo di Speedworx BMX team.

Diamars atardi Jaxx a yega hunto cu su tata Kenneth fo’i Las Vegas, cual el a expresa cu tabata un biahe hopi largo. Dialuna marduga a subi avion y te diamars atardi a yega Aruba.

El a splica cu a bay aña pasa december a hiba Jaxx competi na Colombia, caminda cu el a gana y aworaki coachnan a pusha Jaxx pa bay core na Merca, unda cu sigur el a haci un bon papel.

A pesar cu el a cuminsa core aña pasa na augustus, el a haci un bon papel na Las Vegas. El a competi cu e muchanan di 5 aña bay abao. Jaxx mes tin cuater aña manera a indica na principio di e articulo.

Segun tata di Jaxx, tabatin mas cu 2 mil coredo, mas di 400 moto. Tabata un fin di siman largo. Tabatin careda diabierna, diasabra y diadomingo fo’i mainta te cu anochi laat. E tabata hopi duro pa nan. Ora cu e muchanan a caba di competi tabata 2:00 am na Aruba y asina mes el a haci un bon papel.

Un pabien na Jaxx Fowler cu ta un otro futuro den BMX.

Lesa mas den TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.