fbpx
January 28, 2023

Aquannette Gunn (MAS): Mester uza impuesto di plach’i number pa drecha caminda publico

Share on Facebook
Share on Whatsapp
0
0
Aquannette Gunn (MAS): Mester uza impuesto di plach’i number pa drecha caminda publico
Aquannette Gunn (MAS): Mester uza impuesto di plach’i number pa drecha caminda publico


Parlamento a trata Fondo pa mehora infrastructura publico y MAS tabatin diferente pregunta p’e Minister di Infrastructura, kende tabata presente hunto cu ehecutivo di DOW.

Aquannette Gunn, parlamentario (MAS), a splica cu nan a trece e punto di RWZI, pasobra ta papia di un relacion entre Minister Ursell Arends y Minister di Infrastructura. Por mira cu den e presupuesto di DOW, e mandatarionan ta papia cu esey ta un di e proyectonan cu nan ta bay enfoca riba dje. Pero di otro banda Minister Arends a indica cu esey ta bay keda privatisa. MAS ta desea di haya mas claridad den e punto aki.

Tambe e fraccion a enfatisa riba e aspecto di e paisahe di Aruba, den e ultimo añanan e parti di e contratistanan chikito sea nan no ta controla manera debe ser, of no tin suficiente pa mantene e pais limpi. Por mira practicamente mira e sushedad cu ta reina riba Aruba.

MAS a papia riba e parti cu ta nan responsabilidad di snoei caminda cu ta dificultad, cu ta trece peliger di trafico p’e automobilistanan. Esaki ta debi n’e echo cu no ta manteni manera debe ser. Gunn a reacciona riba e parti di scol, unda cu DOW por extende un inventarisacion di e scolnan cu ta bin na remarca pa por haya mantencion. Tambe e kier sa si tin scol cu a haci peticion pa por ta asfalta y si esaki lo tuma luga e aña aki.

Nan a haci incluso pregunta riba sleeping police. Practicamente por a nota cu n’e presupuesto 2021, MAS a haci peticion n’e prome minister pa duna instruccion di pone polis drumi dilanti Colegio San Agustin, cu ta e hoofd ingang, pero ta di lamenta cu te fecha di awe esey no a tuma luga.

MAS incluso a reacciona riba e echo cu n’e presupuesto 2021 a puntra Minister di Finansa cuanto placa pais Aruba ta genera cu e impuesto di plach’i number. Nan kier sa cuanto di e suma ta inverti.

Pa mas lesa TREMPAN.COM.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.