fbpx
January 28, 2023

Stichting Rancho: Ban educa pueblo riba economia circular

Share on Facebook
Share on Whatsapp
0
0
Clifford Rosa (Stichting Rancho): Educa e pueblo riba economia circular
Clifford Rosa (Stichting Rancho): Educa e pueblo riba economia circular


Desde dialuna 16 di januari, Stichting Rancho a tene diferente reunionnan importante cu partnernan na Aruba buscando e soluccion pa desperdicio solido y Awa sushi, creando un modelo di Economia Circular cu companianan local y di Colombia cu ta QUOS y Interaseo.

Desde 2018 Stichting Rancho Hunto cu algun studiante di EPI y Serlimar a inicia un proceso di investiga e problema di desperdicio den area di e Forno di Kalki un monumento industrial protegi, Rancho y Oranjestad. Clifford Rosa, Presidente di Stichting Rancho a splica riba e proyecto aki, cu e tempo ey a crea un “Waste Management Plan” pa Oranjestad y Rancho. Despues di esey, e problematica a sigui crece. Aña pasa Stichting Rancho a wak cu e cantidad di sushi den e hanchinan a sigui crece. Hopi di e organisacionnan cu semper a yuda nan ta indica cu ta birando dificil y tambe e sistema di Serlimar y DOW.

Ultimo biaha den Aruba Doet, nan a haci un limpiesa hopi grandi, danki n’e boluntarionan di Renaissance. Pero e problema a sigui crece y p’esey nan a extende un invitacion na dos compania di Colombia, cu ta specialisa den procesa reciclahe y tambe recolecta sushi, como tambe recoge e areanan urbano.

Mas aleu, Rosa a sigui bisa cu desde cu e celebracion di 200 aña di Oranjestad, nan a indica cu nan kier mira Oranjestad ful limpi. Na final di aña, por a ripara cu tabata tin hopi crucero y tabata tin hopi sushi cu tabata keda atras, cual tabata un problema.

E siman aki, Stichting Rancho a haya bishita di QUOS, un di e unico empresanan na Colombia cu ta procesa sushi di reciclahe, den forma di economia circular. Nan ta crea e productonan cu bende bek, manera saco di plastic, p’asina sigui uza e mesun plastic pa no fabrica esaki di nobo. 

Pa un relato mas amplio, lesa TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.