fbpx
January 28, 2023

Museo Arquelogico Nacional Aruba cu diferente actividad riba Dia di Betico

Share on Facebook
Share on Whatsapp
0
0
Museo Arquelogico Nacional Aruba cu diferente actividad riba Dia di Betico
Museo Arquelogico Nacional Aruba cu diferente actividad riba Dia di Betico


Dia 25 di januari, Dia di Betico, lo bay tin diferente actividad rond di nos isla y Museo Arquelogico Nacional di Aruba tambe ta uni n’e festividadnan cu varios actividad.

Segun drs. Raymundo Dijkhoff, arkeologo y hefe di e departamento di coleccion y investigacion, semper MANA ta haci actividad rib’e dianan nacional, specialmente riba dia di Betico.

Nan ta habri for di 10:00 am te cu 2:00 pm gratis, unda cu e sala di exposicion lo ta habri caminda cu tur hende por bin mira kico MANA lo bay tin di nos historia y prehistoria.

Incluyendo tin obra artistico di Osaira Muyale y tambe lo bay tin un spiel cu a caba di cumpra cual tabata di famia Ecury.

Lo bay tin un video di Monumentenfonds p’e muchanan, cual ta “Un les pa Maiky”. Prome cu 10:00 am lo bay mustra pa varios biaha y despues pa 12:00 pm tambe.

Pa 11:00 am, drs. Dijkhoff lo duna un lectura titula ‘Artefactonan di Oranjestad Antiguo’, unda cu e lo papia di e hallazgonan riba Plasa Daniel Leo, tambe den Havenstraat, Royal Plaza. Na 2011 a haya hallazgo na Cocolishi y tambe dilanti Bestuurskantoor. Na 2014, a bin haya hallazgo na Museo Historico, unda cu hunto ta conta un historia cu ningun Arubiano no conoce, cual ta Mil Aña di Historia, y e ultimo 300 aña cu a bin haya artefacto di e periodo di contacto cu e parti Europeo.

Despues parti pafo tin actividad p’e muchanan. Ta trata aki di actividad interactivo, unda cu nan por haya stempel di e indjannan (replica). Lo bay tin henter dia, fo’i 10:00 am te cu 2:00 pm, continuamente diferente actividad cu tur hende por atende libremente y gratis.

Lesa mas den TREMPAN.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.