ORANJESTAD – Den cuadro di e intencion di Gobierno di Aruba pa paga e vakantieuitkering 2023 na empleadonan publico completo e aña aki, preparacionan a cuminsa. Asina un informe di gobierno a informa durante fin di siman. Segun e relato, ta paga esaki (vakantieuitkering completo) na juni 2023 y e placa ta reserva caba pa esey.
Pa empleadonan publico esaki kiermen cu pa por paga e vakantieuitkering “bruto” na juni, manera tabata custumber, e empleado publico ta paga e loonbelasting adelanta reparti riba e cantidad di lunanan cu tin. Asina e empleado ta paga tur luna un poco mas loonbelasting pero ta haya e vakantieuitkering completo den su man sin mester paga loonbelasting riba dje. Asina el a tuma luga semper. Riba e website di DRH por haya informacion mas extenso.
