fbpx
March 21, 2023

SMAC: Un fin di siman exitoso di eleccion di reina

Share on Facebook
Share on Whatsapp
0
0
Cherryldine Buckley (SMAC): Un fin di siman exitoso di eleccionnan di reina
Cherryldine Buckley (SMAC): Un fin di siman exitoso di eleccionnan di reina


Diadomingo a tuma luga eleccion y coronacion di Reina di Aruba su Carnaval y tambe Sra. Carnaval. 

Sigur momentonan di tension ta loke e participantenan a pasa aden, pero tambe momentonan di alegria y felicidad di wak nan esfuerso hinca den un bunita presentacion. E biaha aki tambe, e candidatanan a bin cu un trahe Carnavalesco identico, contrario n’e otro añanan unda cu e candidata tabata bin cu su mesun trahe Carnavalesco. 

Plaza Betico Croes sigur a luci cu e eleccion aki y, cu excepcion c’un fayo chikito aki aya, henter e anochi a cana di manera sublime. 

Cherryldine Buckley, miembro di SMAC a indica c’un cambio cu SMAC a bin cu ne e aña aki tabata e show di despedida di e reina saliente, cu tabata bin meymey di e programa, enbes di ful na final di e programa. Sigur un cambio cu a haya varios critica positivo. 

Despues di dos aña sin eleccion, tabata manera un comienso nobo. E Carnavalistanan tabata preparando esaki caba y e gruponan a prepara pa nan por tin nan participacion den Carnaval.

Pa loke ta e ganadonan di eleccion di diadomingo, e resultado ta como lo siguiente:
Reina Grandi 2023:
2nd Runner-up
Xaria Simoons- Colegio San Augustin
1st Runner-up
Edmee Arends – TOB Carnival Group/Queen of Setar/Best Carnival Dress
67th Carnival Queen
Adrianne Jacobs – Royal Carnival Group/Best Speech 

Sra. Carnaval 2023

1st Runner-up

Faridi Daou – TOB Carnival Group/Best Carnival Dress/Best Speech

27th Mrs. Carnival Queen

Geraldine Albertsz, representando Colegio EPI/Mrs. Of Setar/Best Show/Mrs. Popular

SMAC ta hopi contento cu e combinacion di e festivalnan como tambe e eleccionnan di reina a cay den hopi bon tera cerca e pueblo Carnavalesco.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.