fbpx
January 28, 2023

Comunidad Chines a celebra nan aña nobo den gran forma

Share on Facebook
Share on Whatsapp
0
0
Comunidad Chines a celebra nan aña nobo den gran forma
Comunidad Chines a celebra nan aña nobo den gran forma


Riba 22 di januari e comunidad Chines na Aruba a celebra e aña nobo Chines 2023. E aña aki ta di Coneu. Tan Wa So ta presidente di New China Club Aruba, el a conta e celebracion aki ta uno cu ta sosode tur aña. E aña aki a conta cu casi 500 persona cu a bini hunto pa celebra e aña nobo Chines.

Durante e celebracion ta conta cu cuminda tipico di China, baile di dragon y un momento bunita cu hopi Chines ta topa otro bek maske ta pa un rato. E fecha por cambia segun e presidente, ta depende e dia na China y na Aruba. E atardi a conta tambe cu presentacion di diferente grupo, entre nan hasta di scolnan rond di nos isla. New China Club Aruba ta para na final di dia pa e comunidad Chines, nan ta percura pa tur celebracion cu tin henter aña, pa nan tin un actividad pa mantene e comunidad hunto. E presidente ta gradici henter su directiva.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.