E campaña di Fun Quartets di Fun Miles tabata uno exitoso cu a dura pa dos luna y mey. Mirla Gonzalez-Passchier di Fun Miles Aruba, a splica cu siman pasa tabatin e sorteo bao di supervision di Notaris Tromp di New Leaf cual a bay hopi bon y diahuebs tabata e dia pa entrega e premio n’e feliz ganado.
E campaña aki tabata uno exitoso. Tambe pa prome biaha cu por a gana premio instantaneo. Esey tambe tabata un exito, segun Gonzalez-Passchier. Esaki tabata exitoso door dje partnernan cu tabata den e campaña e aña aki cu a yuda.
E ganado di e auto a keda masha feliz pa haya su auto. No ta nada malo pa cuminsa aña cu un Toyota Rush KR cu un aña di seguro di Ennia y 500 florin na gasolin, cortesia di Fun Miles.
Fuera di e auto, a entrega varios premio. Entre otro un lounge set di Kooyman, e BBQ-set di Kooyman, un voucher di 1000 florin di APEX. Tabatin un weekend-stay na Avila, tambe dos ticket di Jet-Air pa cualkier destinacion. Tabatin 50 gallon di global paint pa verf cas paden y pafo y naturalmente e premio grandi cual tabata e auto.
KI MAS TA SPERA DI FUN MILES
Aworaki ta bezig cu nan campaña di carnaval, hunto cu Garage Cordia unda cu por gana dos spot den e massa di TOB. Si kier join esaki e ta hopi facil. Bay riba e pagina di facebook di Fun Miles, tin un link den e post unda cu ta puntra seis pregunta y asina ta participa den e campaña aki.
GRADICIMENTO
Gonzalez-Passhier ta gradici tur cu a participa y tambe un felicitacion n’e ganadonan. Tambe ta gradici tur e partnernan di Fun Quartets, cual ta APEX, Botica di Servicio, Ennia, Global Paint, Garage Cordia, Arugas, Jet-Air, Pro vision, Top 1 Toys y DA drogesterij.
GARAGE CORDIA
Di parti di Garage Cordia, Joylene de Nobrega a comenta cu nan ta hopi contento cu nan tin un Toyota mas riba caminda y ta un auto cu sigur e ganadonan lo gusta masha. E famia completo por fit den dje. Tambe nan ta hopi contento con e campaña aki a bay.
E SUV aki ta un di nan mas bendi, apart di e RAV. RAV4 ta un auto riba su mes, vooral e ta un auto rond di 50 mil florin y ta super bon bendi. E ta unico den su forma, segun de Nobrega.
Joylene de Nobrega ta felicita e ganadonan y tambe ta gradici Fun Miles tambe pa acerca Garage Cordia Aruba pa haci e campaña aki un exito. Ta spera cu esun cu a gana e auto disfruta hopi di dje, el a bisa por ultimo.
