Posted on 01/27/2023 1:30 pm AST | Updated on 01/27/2023 1:33 pm AST
ORANJESTAD – Mas of menos 45 minuut despues cu oficialmente coriente a bay completo na Aruba, esaki a cuminsa bin bek. Tabata 11:14am cu WEB a anuncia cu enberdad tabatin un blackout lagand Aruba sin coriente. Pa 11:59am e prome raportahe di coriente a cuminsa drenta unda cu WEB a anuncia cu ta suministrando ELMAR cu coriente. Y pa 12:11pm, e prome areanan, Balashi y Bucuti a cuminsa haya coriente. Y asina a sigui update pa un ora largo. Sinembargo no tin nada ainda riba e motibo cu pa casi 2 ora of mas, Aruba no tabatin coriente, causando e frustracion necesario. E unico informacion tin cu ‘un storing den planta di produccion di WEB a conduci na e blackout’.
