Durante Conseho di Minister di Reino diabierna a toca e topico di migracion den e region Hulandes Caribense. A puntra Prome Minister di Hulanda Mark Rutte con leu ta cu e reapertura di frontera di e islanan Hulandes Caribense cu Venezuela y si ya caba Hulanda a pensa un metodo pa maneha e ola di migrantenan cu lo kier bay drenta nos islanan unabes e fronteranan ta habri.
Riba e pregunta aki e Prome Minister di Hulanda a contesta cu e no kier specula ya cu e no ta suficientemente na altura di e situacion na e momento aki pa por duna un contesta inmediato.
Conviasa kier reanuda vuelo pa Aruba
Diadomingo Minister di Transporte di Venezuela y Presidente di Conviasa Ramón Celestino Velásquez Araguayán a informa cu e lo forma parti di e comite tecnico cu lo biaha pa Curaçao dia 31 di januari pa asina trata e reapertura gradual di e fronteranan cu Venezuela. E minister a indica cu e aerolinea Conviasa ta busca e oportunidad pa reanuda e vuelonan pa Aruba.
Remarcabel ta cu Conviasa ta sanciona door di Merca y Union Europeo, pues mester wak ki consecuencianan esaki lo por tin pa entre otro Aruba, mirando cu e aerolinea a anuncia di kier bay reanuda vuelonan pa Aruba. Mientras cu Hulanda ta bisa di no kier specula riba e topico aki, Prome Minister di Curaçao Pik Pisas a declara comienso di januari caba cu un reunion lo tuma luga dia 31 di januari na Curaçao pa discuti riba e reapertura gradual di frontera entre e islanan y Venezuela.
