ORANJESTAD – Aruba diabierna a conoce su prome Blackout pa 2023. Informacion cu e companianan di utilidad ELMAR y WEB a informa cu ta trata di un blackout causa pa un interupcion den produccion di coriente den planta di WEB. “Nos tecniconan ta keda ‘stand-by’ pa asina cu WEB soluciona e problema, cu nos por cuminsa suministra coriente bek” ELMAR a sigura comunidad. Mientrastanto di parti di WEB, a duna e informacion aki: “A surgi un storing den planta di produccion di WEB Aruba, cual a conduci na un blackout, lagando nos isla sin coriente. E causa ainda no ta conoci. Nos tecniconan ta haciendo tur esfuerso pa remedia e storing mas liher posibel. No ta conoci ainda con largo lo dura pa recupera suministro di coriente. Nos disculpa pa e inconveniencia. Keda pendiente pa updates.”.
