Un poco prome cu 11 or di mainta, Aruba completo a keda den un blackout cu a dura por lo menos dos ora. Na prome instante vocero di WEB, Asja Dongen a indica cu e momento ey no tabata sa e motibo di e blackout aki y cu lo tabatin un investigacion andando, mientrastanto cu pocopoco e suministro di coriente tabata bin bek den e diferente bario y te cu finalmente, despues di tres ora e coriente a bin bek.
Finalmente despues di un investigacion preliminar, ta mustra cu un storing a tuma luga durante testmento di e sistema electrico di RECIP IV y cu esey por a causa e blackout di diabierna mainta.
Diasabra merdia, gerencia di WEB Aruba NV hunto cu su expertonan lo bay duna un conferencia di prensa, unda cu nan lo bin duna un splicacion di e storing cu a surgi.
