Diabierna mainta banda di 9:00 am a sosode un accidente fuerte na San Nicolas. E chauffeur den e pickup V-4725 ta esun cu a causa e accidente. El a bay den banda robes y dal den un van di pasahero.
E van tabata maneha pa un dama y patras su yiu menor. Despues di e impacto e señora a lucha pa saca su pia y asina a logra. E yiu chikito tambe a keda levemente herida. E homber chauffeur tambe a baha y a move eynan riba su mes. E bon noticia ta cu e hendenan no tabata grave, mirando e impacto fuerte.
Asina mes ambulance a presenta. Polis a cera caminda y a desvia e trafico. Ambos auto no por sigui core. Doño di e compania di huur auto a presenta pa atende cu nan auto tur kibra. Bernhardstraat ta un caya habita y mirando e impacto claramente por confirma cu velocidad halto ta envolvi.
E dama chauffeur a splica cu ni maske el a baha velocidad y purba hala man drechi, asina mes e pickup a bin pega riba e van den su banda. Mientrastanto na sitio polis a detene chauffeur dje pickup riba sospecha di ta bou influencia di alcohol.
