Un di e temanan cu ex-minister Otmar Oduber a toca durante di e conferencia di prensa cu a tuma luga diahuebs, ta esun di e keho entrega pa Marisol Lopez-Tromp.
Segun Oduber ora cu el a haya sa cu Lopez-Tromp a entrega un keho contra dje, a entrega un keho contra dje di biaha.
Pasobra ta mentiroso Lopez-Tromp ta. “E ta un gañado,” e ex-minister a laga sa. Lopez-Tromp ta un persona cu a manipula no un biaha, sino hopi biaha. Y aki el a bolbe gaña y pa un prueba, segun Oduber, mustrando un dossier cu el a entrega durante e conferencia di prensa.
E ex-politico ta sigui bisa cu e parlamentario a entrega keho, un dia despues cu el a bira minister, bisando na juli cu e no sa di dos trahado y cu nunca nan a bin traha y a kere cu Oduber a licht op pais Aruba. E no tin informacion di nan y no a mira nan nunca. Esey tabata dia 24 di juli, despues cu a kita confiansa fo’i dje.
Ta trata aki di un Whatsapp cu Lopez-Tromp a manda p’e hendenan di su propio oficina. Oduber tin e-mail como tambe presentielijst di e personanan y tambe contract. E contractnan tabata traha pa DRH y no for di un bureau. A cana e caminda normal. Minister Marisol Lopez-Tromp cu na juli 24 a bisa cu e no sa di e hendenan aki, di januari 28 ta manda un whatsapp y ta pidi number di telefon di tur hende.
Lopez-Tromp a haya contract y e-mail, cual Oduber a entrega como parti dje keho. Oduber a indica cu Dios ta cu ne, cu e tin cierto cosnan. Tambe e tin presentielijst di tur dialuna, unda cu tur hende ta firma cu nan tabat’ey. “Por bay bestuurskantoor unda cu por haya hopi mas prueba.”
Pa mas detaye lesa TREMPAN.
