fbpx
March 24, 2023

Hopi buki pa baby y mucha na biblioteca

Share on Facebook
Share on Whatsapp
0
0
Hopi buki pa baby y mucha na biblioteca
Hopi buki pa baby y mucha na biblioteca


Biblioteca hubenil ta ofrece muchanan na Aruba un coleccion di buki pa lesa y explora. Tin buki pa mucha di tur edad y hasta pa baby. Representantenan di Biblionef na Aruba Carla van Eerden y su colega Sandra Postma a entrega un cargo di buki pa baby y mucha na sra. Michelle Thiel-Roos, hefe di Dept. Catalogo. Sra. Michelle Roos ta hopi contento cu buki nobo y a ricibi e coleccion cu man habri y un sonrisa riba su cara. Den cargo tin bukinan pa baby y tambe bukinan pa mucha di 6 pa 8 aña na Spaño. Un bunita coleccion cu biblioteca por fia su miembronan. Biblioteca ta gradici Biblionef pa trece e bukinan Aruba.

Biblionef ta un instancia cu ta traha rond mundo pa stimula lesamento y laga tur mucha experencia e goso di lesamento. Biblionef ta traha pa mucha cu no tin acceso facil na buki. Biblionef semper a traha hunto cu Biblioteca Nacional Aruba. Biblionef Aruba ta parti buki na scolnan na Aruba ya pa mas cu 20 aña.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.