Diadomingo merdia pa 2:00 pm, SMAC hunto cu Cuerpo Policial a duna inicio na e parada di mucha na San Nicolas. Tabatin 4 grupo y mas o menos 650 participante.
Na tur Cuerpo Policial Aruba a conta cu 145 polis riba pia, parti den seccion di polis uniforma, Mobiele Eenheid, K-9, Team di Aresto, Departamento di Recherche, Personal administrativo, Mobiel Commando, Planologie, unidad motorisa y sin lubida e personal di Cuerpo Especial Arubano (CEA).
E cabes di e parada a yega 6:00 pm na YMCA San Nicolas y pa 6:45 pm e parada a yega su final. Pa exactamente 8:00 pm a kima Momito.
Polis a informa cu e aña aki tabatin 2 detencion relaciona cu e parada di mucha na San Nicolas. Na aña 2020 no tabatin ningun detencion. Polis no a menciona e motibo dicon a detene e dos sospechosonan e aña aki.
