Diasabra atardi laat un señora a pasa den un susto. A descubri un Boa bou hood di e motor di su auto. El a bay na Macro Supermarket pa busca azeta pa e motor di e auto. A pidi un hende dune un man.
Ora a habri e hood, a topa e Boa lora nechi den un skina. A spanta y laga e situacion intacto. A bati alarma mesora. Na yegada di polis a bay den accion. Polis mes a pone man riba e Boa. E agente sa con pa atende cu colebranan di e tipo aki.
E no tabata un Boa hopi grandi. Asina mes Boa ta spanta hopi hende. Finalmente ora e señora a mira e Boa den man di husticia, tabata suficiente pa e trankiliza y caba di atende cu e azeta den motor y sigui su caminda. El a gradici esnan cu a dune un man.
