fbpx
March 21, 2023

Alarma falso: A kere ta ladron luga ta homber a trece regalo di San Valentin como sorpresa

Share on Facebook
Share on Whatsapp
0
0
Alarma falso: A kere ta ladron luga ta homber a trece regalo di San Valentin como sorpresa
Alarma falso: A kere ta ladron luga ta homber a trece regalo di San Valentin como sorpresa


Dialuna anochi polis a activa p’un supuesto ladron den Avenida Milio Croes. Ta na un cas, caminda cu habitante a bin topa cu un homber cu mita curpa den cas ta purba di horta.

E homber no a basila y ranca careda, subi su auto y bandona sitio. Un persona a hasta sigui e homber te band’i Sabana Berde. A haya masha straño, mirando cu ora e controla e cas, no a topa cu nada kibra of cu a perde pertenencia. Ey a resulta cu a bin topa cu un regalo tur na flor y dorna cu curason.

T’un baron a bin trece un regalo di Dia di San Valentin como sorpresa. Por poco a cost’e su detencion mirando cu a activa basta polis riba caya pa busca su drechi.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.