ORANJESTAD – Un chauffeur femenino cu kier a tuma un chens awe mainta tempran, a causa un accidente serio entre su SUV Prado A-2913 y un bus di Arubus B-66 y un otro auto Ford A -76386, y lagando su mes herida. Tabata awe mainta ora cu na e cruzada cu ex Kooyman na Dakota cu e señora di e SUV a tuma un chens na e cruzada ey y pasa dilanti di un bus cu tabata bin di pariba riba Avenida Milio Croes. E bus su velocidad a pone cu e SUV a keda alcansa, lanta y a bay dal den un otro auto para na e cruzada pa e bay subi e Avenida. E parti rechts di e bus a keda seriamente kibra y e parti robez patras di e SUV tambe a keda destrui practicamente. E parti di e auto para riba caminda a haya sla tambe na e parti robez dilanti. Un otro bus di Arubus mester a bin pa transporta e pasaheronan cu a keda perhudica (niun tabata herida, danki Dios:red) pa nan destinacionan respectivo. E chauffeur di e bus tabata bastante disgusta cu e situacion mirando kico a sosode. E sla a pone cu varios pida di e bus y e auto a bay cai basta leu di e lugar di e impacto. Polis mester a cera parti di e Avenida (hasta e entrada for di rotonde banda di Banco di Caribe) pa nan por a haci nan trabou investigativo
