Cuerpo Policial ta neglisha pasobra tin tekort den polis. Antes tabata haya hopi aplicacion y klas yen di binti persona. Pero cu ta pone e polisnan traha overtime ta muestra cu mester di mas. A para e opleiding y esey ta e consecuencia awo.
mr. drs. Arthur Dowers, parlamentario (AVP), a recorda den su tempo, di cual e no sa con cos a bira awo despues di cinco aña di maltrato, negligencia di Cuerpo Policial, den un klas tabatin binti persona, unda cu 100 hende a solicita. Aunke 100 hende a solicita no ta tur ta cualifica, no ta cumpli cu e rekisitonan pa bira polis.
Tin persona cu a acerca e parlamentario pa inform’e cu nan a solicita pa polis, a haci test pero no a tende nada pasobra a para e opleiding. Dowers ta compronde cu e aspecto di Cuerpo Policial unda cu e trabou ta uno serio, e trabou ta controla y no ta un caminda cu ta yega sinta sin haci nada. Bou e gobierno aki hopi polis ta maltrata y hopi di nan a bay corte, unda a gana nan caso. Gobierno ta simplemente nenga di cumpli cu decision di hues y esey por significa cu e por tin refleho negativo riba e organisacion.
Den concepto di Dowers, hopi hende tin e interes ainda pa solicita. E no ta kere cu den henter pais no por selecta binti hende pa e opleiding di polis.
Pa mas lesa TREMPAN.COM.
