Diamars atardi alrededor di 5:00 pm a sosode un accidente net pabou di rotonde Mahuma riba Green Corridor. Den e auto marca Honda modelo Fit tabatin cuater persona rib’un paranda. Dos hende muhe habla spaño y dos homber turista. E hombernan ta na Aruba pa algun ora so, nan ta di bishita via un barco crucero.
Nan conoce e damanan aki pa algun aña caba. Claro, probechando nan bishita riba nos isla, a trece un regalo di San Valentin pa ambos. Un di e damanan tabata stuur e auto estilo RHD. E no a regula su velocidad y a dal contra di e blokinan memey caminda riba e caminda menciona.
Nan a resulta levemente herida. Mayoria, no tabata desea atencion medico, mirando e costo extra cu esaki ta trece cu ne. Daño material tabata basta. Polis a tuma tur informacion p’asina por registra e accidente aki.
