Diasabra ultimo, Jorienne Angela, cu ta tambe nos Reina Hubenil di Roadmarch, a resulta e ganado den su categoria di 12-17 aña di e Festival Un Canto na Aruba Su Himno y Bandera.
Un cancion, ‘Mi nomber ta Aruba’, cu ta un composicion pa Jhon Freddy Montoya y aregla pa Johnny Schaarbaay, pa Jorienne Angela ta e representacion di Aruba, Mama Tera, di e baranca, cu kier a canta na su yiunan. Semper den e festival aki, e yiunan ta canta pa Aruba. Pero e biaha aki, a bolter, Aruba kier a papia cu su yiunan.
TRAYECTORIO
E aña aki tabata Joriënne su di tres aña y ultimo aña participando den e Festival di Himno y Bandera, den e categoria hubenil. Pa su persona, e tabata un trayectorio hopi bunita, cu tres diferente cancion diferente di otro. E prome su dos cancionnan tabata un composicion di Danilo Vrolijk y aregla pa Johnny Schaarbaay.
Pa Jorienne, su participacion di e aña aki, tabata mas special. El a yega di gana diferente festival y conkistando e titulo maximo den su categoria hubenil, e ta cera un capitulo den tur su participacionnan den e categoria aki.
Pa mas informacion Lesa mas den TREMPAN.
