MIAMI – Despues di tres aña di temporada di horcan mas activo cu normal, 2023 ta mustra di ta 15% menos activo cu normal. Esaki ta danki na e efecto di El Niño cu ta bolbe causando un situacion di tempo menos faborabel pa desaroyo di tormenta y horcan den laman Caribe y Atlantico. Ta pronostica 13 tormenta, 6 horcan di cua 3 lo ta intenso. Aunke e ta menos, corda si cu ta un so ta necesario pa haci un daño catastrofico. El Niño ta asocial cu un aire di laman oceanico cayente den centro y oost oceano pacifico, cu tin consecuencia pa tempo rond di mundo. E ta aumenta e chens pa mas horcan den laman Pacifico, pero ta reduci e chens pa Oceano Atlantico.
AÑA PASA
E pronostico di aña pasa tabata cu lo tabatin 17 tormenta cu nomber (average ta 12), 8 horcan (average ta 4), 4 horcan severo (average ta 2), y e posibilidad ta cu por lo menos 1 horcan lo pasa y afecta Caribe, y e posibilidad di esey tabata 58%. Finalmente temporada 2022 a caba cu 14 tormenta, 8 horcan di caul 2 severo (Fiona y Ian).
NOMBERNAN DI TORMENTA PA 2023
Pa loke ta e nombernan pa tormenta e aña aki, nan ta Arlene, Bret, Cindy, Don, Emily, Franklin, Gert, Harold, Idalia, Jose, Katia, Lee, Margot, Nigel, Ophelia, Philippe, Rina, Sean, Tammy, Vince y Whitney.
E temporada di horcan ta inicia dia 1 di juni y ta termina 30 di November di e aña aki.
